北海道雪谷度假村 望住浪漫雪景山脈浸溫泉|日本旅遊|放假去邊
日本    1949 瀏覽 


share by whatsapp share by line

如果話夏天就係陽光與海灘,咁講起冬天就一定係漫天嘅雪景~
作為日本最北嘅島嶼,北海道可謂擁有亞洲數一數二嘅超美雪景!
最近著名全球連鎖酒店安縵(Aman)就正式進駐北海道二世古(Niseko),將會喺二世古地區藻岩山上嘅原生態自然保護區內起度假村「Aman Niseko」~


二世古,又名新雪谷,係一個以滑雪聞名嘅城鎮,因為降雪量多,而且雪粉質感幼細綿密,Amen今次嘅新酒店正正睇中呢到壯麗嘅山脈同溪流~


呢到嘅客房全部都係獨立式公寓,單棟嘅別墅坐落喺雪白嘅森林中,等住客可以悠然地欣賞原始嘅自然風光~


為咗令酒店更加則合大自然嘅感覺,全部房間裝修都會使用原木,更加設有大面積嘅落地窗同玻璃門,令住客好似365度都被大自然環繞~


除咗大自然風光係一大賣點,其實酒店今次嘅定位主打水療養生,除咗舒適寬廣嘅酒店空間,更設有有私人嘅水療池


Aman Spa提供嘅套房內有水療服務、芬蘭桑拿浴室同埋帶淋浴、溫泉嘅大型溫泉水療區;室內游泳池同溫泉面向露台,冬天時就可以望住浪漫嘅雪景,白雪紛飛下浸溫泉


除咗雪景超靚之外,其實二世古一年四季都有其獨特嘅景致,好似秋天就可以睇到一整片紅葉林!

Aman Niseko其實係安縵繼東京、伊沐、京都後喺日本第四間酒店,預計將會喺2023年正式開業,不過酒店優越嘅地理位置同優秀嘅設施已經令人非常期待!

share by whatsapp share by line

日本超完美工整斑戟 鬆軟口感超幸福|日本美食|放假去邊
少女心爆炸!超靚淡粉「Hello Kitty造型櫻花酒」|台灣購物|放假去邊
貓奴必買「銅鑼燒貓床」貓咪鑽入去變夾心餡|日本購物|放假去邊
日本轉盤式電話扭蛋 體會以前打電話嘅感覺|日本購物|放假去邊
日本M記期間限定【2020篇】 | 日本美食 | 放假去邊
日本迪士尼客製專屬公仔 重量都做到同自己出生時體重一樣!|日本購物|放假去邊

  • 【旅遊保險】3日低至$66
▲ 返回最上
© Copyright 2018 Global Alliance Networks Limited. All Rights Reserved