對於雞蛋糕嘅追捧熱潮不斷喺台灣升溫，
雞蛋糕亦進化為各式各樣嘅模樣去滿足各位客人，
而之前喺新竹巨城快閃擺檔嘅一家「熱氣球雞蛋糕」攤檔就引起咗關注！

不同於一般雞蛋糕橢圓形或方形，呢個雞蛋燒係呈現熱氣球造型！
一整個氣球脹鼓鼓好可愛，而底部都有好有心思嘅乘客籃~

雞蛋燒分別有5款味道：經典牛乳卡士達、伯爵奶香卡士達、濃情可可卡士達、鐵觀音卡士達以及芝士乳酪

其實老闆自去年6月就開設咗呢個雞蛋燒小檔，堅持每日自己親手製作、使用新鮮牛奶，亦唔添加任何化學香精，咁認真製作真係抵佢被更多人欣賞！

不過就好似店名「初陌」一樣，小檔四處漂泊，遊走喺各個陌生嘅市集、夜市，對於每個客人都係初次見面，將個份陌生但溫暖嘅滋味帶比客人！

所以如果大家好想食到雞蛋燒，就要密切留意「初陌」嘅Instagram啦！

Instagram：@early_street