日本DONKI嘅貨品一應俱全，

隨時可以逛足幾個鐘～

而最近佢哋仲開賣埋昆蟲零食！

咪以為只係將昆蟲磨成粉咁簡單～

由「昆虫食ならbugoom」所生產嘅昆蟲零食～

係將昆蟲烘乾，完整放入包裝內！

DONKI見到零食嘅款式相當多樣化～

除咗蟋蟀、蟬蛹之外，仲有蠍子、蜘蛛等，合共七款！

見到啲名都已經覺得好噁心！

外型同真嘅好似一樣咁～

今次唔係嚇人玩惡作劇，而真係要食落肚！

到底有冇人敢放入口？

雖然呢類零食並唔多討好～

但就含有低碳水化合物同豐富嘅蛋白質，

啱哂注重體態嘅朋友！

生產商仲提供埋食譜，

可以將昆蟲加入喺咖哩飯、飯糰等食物之中，

不過唔知味道會係點呢？

目前日本DONKI已經上架，香港就暫時未有～

不過，或者可以畀定心理準備每個想克服食昆蟲嘅你！

來源：昆虫食ならbugoom、驚安殿堂・唐吉訶德