嚟到泰國，其中一個必逛嘅地方一定係便利店！

泰國便利店出名多特色零食同手信買～

今次小編從泰國買咗三款知名穀物食品品牌嘅穀物棒，一於開封試試佢！

美祿朱古力穀物棒、雀巢可可脆片穀物棒、家樂氏朱古力杏仁花生穀物棒 (由上而下)

美祿朱古力穀物棒：

好多美祿脆脆！不過就比平時食開個啲脆脆細粒

個底加咗白朱古力

食得出係美祿口味，而且加埋朱古力，更甜更香！

雀巢可可脆片穀物棒：

可可脆片+白朱古力底！

穀物棒上面黐滿哂可可脆片～

因為有多層可可脆片，所以咬感比較硬

但就濃味啲！！！

家樂氏朱古力杏仁花生穀物棒：

入面有杏仁同花生

朱古力配杏仁花生，正！

呢個相比其他口味，朱古力味比較濃，所以亦都比較甜

穀物棒輕便又易攜，細細一枝已經可以填飽個肚，打工仔啱哂啊！