韓劇《梨泰院Class》拍攝場地「The Finest」大熱酒吧|韓國旅遊|放假去邊
韓國    1037 瀏覽 


share by whatsapp share by line

最近播出最後大結局嘅大熱韓劇《梨泰院Class》不論男女老少,喺韓國掀起熱潮,喺香港都同樣有唔少粉絲追看!
而劇中取景拍攝嘅各大梨泰院場地都瞬即成為熱門景點,包括酒館「甜栗」、綠莎坪路橋等等~
今次就為大家介紹世路同以瑞接吻嘅酒吧!!!



相信有追梨泰院嘅你對於呢一幕一定唔陌生,第四集入面,男神朴敘俊飾演嘅朴世路飲醉訓咗喺地板,趙以瑞忍唔往錫咗上去,成為劇中頗為經典嘅吻戲,咁樣錫一錫都令呢間cafe一夜成名!

位於梨泰院嘅呢間酒吧因為喺樓上店,而且入口並唔起眼,原本並冇話好多人識,但自從劇集播出後,人流變得多咗好多,加上本身呢間鋪頭嘅天台設計就好靚好靚~

行到出露台係可以飽覽梨泰院嘅全貌,而且重點係仲可以睇到南山塔!

酒吧分為室內同室外Area,室內就係好似劇中主角咁坐吧台,不過天氣太凍店家一般都會閂玻璃門,就未必影到好似主角咁靚嘅畫面lu~

但坐出面沙發位置都仲靚,沙發擺設設計又精緻又舒服~
呢到唔單止可以飲酒,仲可以食晚餐,黑松露薯條同意粉最好食!

其實唔係夜晚先可以去酒吧,小編就好建議可以喺黃昏左右上去坐到夜晚,咁就可以睇哂日景、夜景,天氣好嘅話仲可以睇埋靚靚日落、滿天晚霞嘅顏色!

相入面男女咁樣坐就係世路同以瑞喺劇中嘅畫面!

梨秦院喺日頭睇都好靚,呢間酒呢其實撇除《梨泰院Class》拍攝場地嘅函頭,一樣好值得去~

The Finest 더 파이니스트
地址:首爾龍山區梨泰院槐樹路41 3樓

share by whatsapp share by line

澳洲必去田園風Cafe 被植物包圍充滿熱帶色彩|澳洲旅遊|放假去邊
酒鬼必買!韓國19禁燒酒牙膏|韓國購物|放假去邊
豬!全部都係豬!韓國「小豬博物館」超治癒 |韓國旅遊|放假去邊
台北女孩親手打造眷村樹屋 廢墟化身「飛行樹屋咖啡」|台灣旅遊|放假去邊
韓國壯觀書牆隧道 書堆到上天花板!|韓國旅遊|放假去邊
台灣即叫即整梳芙厘鬆餅 賣相豐富誠意十足!|台灣美食|放假去邊

  • 【旅遊保險】3日低至$66
▲ 返回最上
© Copyright 2018 Global Alliance Networks Limited. All Rights Reserved