韓國大熱「Sticky Monster」角色帳篷!黏黏怪物動作超治癒|放假去邊
韓國    1475 瀏覽 


share by whatsapp share by line

雖然現在唔可以成日出街玩,
日、韓方面就突然興起咗「集體一人露營」嘅玩意,
一直係韓國人氣公仔品牌嘅「Sticky Monster Lab」就趁機設計咗各式各款「一人帳篷」,全部都好盞鬼!


韓國嘅「Sticky Monster Lab」自2007年推出,就以其外型簡單、表情單一嘅呆萌形象打出一個市場,沉寂一陣子又再次推出新設計!

首先登場嘅係黏黏怪物研究所嘅經典角色「Yellowmoon」,球體圓嘟嘟嘅外型,再配埋佢個副訓覺樣非常可愛,小小嘅腳仔都要伸埋出嚟,且將知名運動品牌THE NORTH FACE嘅名都改咗做「THE MONS FACE」XD!

呢個帳篷名為「Asgard」(阿斯嘉特:北歐神話中阿薩神族嘅地界,即雷神家鄉XD),所以造型選色上都非常好似神殿一樣高貴優雅,配上黏黏怪物嘅表情又多一份淘氣!

呢個「Redmon」參考帳篷品牌Hilleberg Keron式設計,比較矮但擁有額外寬敞嘅前庭空間,今次嘅設計都特登塞咗兩隻Redmon喺到,表情不一~

名為「Stronghold」(要塞)嘅帳篷仿效真實中半圓嘅要塞造型,配上黏黏怪物超細嘅臉,對比強烈

綠色嘅「Varanger Dome」有個好可愛嘅洋蔥頭尖頂又可愛又療癒~

行迷彩風嘅「Alpine Dome」喺樹林中應該能夠起到隱身嘅效用XD 而且設計師仲特登幫佢加咗個口罩,真貼心XD!

最後,團隊仲好貼心地設計咗一系列露營必備嘅煮食爐、攜帶色冰箱、水壺等等~

講咗咁耐,其實呢啲帳篷都只係黏黏怪物研究所最近為咗幫大家解悶,純玩式嘅創意設計圖,並唔會真正開買,不過唔少網民都留言希望將來真係能夠製作出實物!

share by whatsapp share by line

【長洲西園】約埋朋友一齊去豪華露營體驗!營內供應冷氣+冷熱水淋浴|香港旅遊|放假去邊
首爾可愛動物造形甜品 療癒風格令人會心微笑~|韓國美食|放假去邊
【食譜】勁簡單方便!10分鍾整就韓國牛肉飯|香港美食|放假去邊
首爾海綿寶寶主題展覽 超多不同場景俾你瘋狂打卡|韓國旅遊|放假去邊
韓國燒酒造型護甲油 百分百還原度小心唔好拎錯嚟飲!|韓國購物|放假去邊
韓國KaKao Friends萊恩豆沙袋沙發床 大大隻萊恩真係超可愛!|韓國購物|放假去邊

  • 日本「驚安」優惠券下載
▲ 返回最上
© Copyright 2018 Global Alliance Networks Limited. All Rights Reserved