【台灣】臺虎精釀 X UNIQLO聯乘首個酒款!9.99%高酒精濃度長島冰啤!新春開始發售!|新品推出|放假去邊
724 瀏覽 
廣告



share by whatsapp share by line

虎年剛到,臺虎精釀就同UNIQLO聯名推出一系列以「 虎 Cares U」聯名企劃主題商品!打造全球第一支UNIQLO聯名酒款,仲有新春感十足嘅開運招財UTme!衣服同袋款!

 

「虎」同「U」融合咗雙方嘅品牌名稱,再發展出「 虎 Cares U」嘅聯名主題,寓意大家新一年秉持老虎勇猛、凡事不受限嘅臺虎品牌精神!好似老虎咁突破生活同工作嘅束縛,勇敢表達對家人同朋友嘅愛,Care、珍惜身邊所愛嘅人同事物。

廣告

聯名酒款選用咗臺虎最經典嘅調酒系「長島冰啤」,以100%自然發酵嘅9.99%高酒精濃度,加入檸檬嘅清新香氣,酸甜又輕盈!飲啖啤酒之後,希望大家由虎年開始百分百「做自己」、多Care自己,喺工作定生活上都能放飛自我、唔再壓抑,用最真實嘅情感表達自己、享受人生。

酒嘅包裝設計以UNIQLO經典LOGO棋盤格為主要素材,搭配紅金色配合新年嘅節氛,特別喺包裝設計仲加入咗彩蛋嘅巧思,在一共五款嘅瓶身上分別藏「虎」、「年」、「行」、「大」、「運」各一字嘅吉祥語,同大家拜年!

啤酒即日起喺全台嘅7-Eleven 、全家、家樂福、City’super、微風超市、誠品、黑虎宅速配陸續上市。香港暫時未有!有興趣試試啲朋友可以再留意吓啦!

而UTme!系列則喺UNIQLO實體門市中上架,大家可隨心選擇喜歡嘅圖騰打造自己嘅個人專屬T恤或布袋。臺虎 x UNIQLO合作嘅UTme!聯名企劃,以臺虎品牌又威猛又可愛嘅老虎,結合過年招財金元寶、麻將、象徵大吉大利嘅桔等等元素,將老虎化身為新年最可愛嘅招財開運吉祥虎。

商品同樣喺UNIQLO 台北旗艦店、ATT 4 FUN信義店、西門店三間實體門市同步開賣。香港都係暫時未有!

 

share by whatsapp share by line
廣告



【台灣】小琉球名物海龜Pizza!超可愛手造薄餅~你捨得食嗎?|台灣美食|放假去邊
【台灣】虎年必食!人氣網購小甜品 可愛老虎造型銅鑼燒|台灣購物|放假去邊
【台灣】臺虎精釀 X UNIQLO聯乘首個酒款!9.99%高酒精濃度長島冰啤!新春開始發售!|新品推出|放假去邊
【台灣】淡水必食!純鮮奶手工製麻糬 經典花生同芝麻口味絕對係不敗選擇!|台灣美食|放假去邊
【台灣】期間限定跨年景點!藝術館光影藝術戶外展覽 夢幻七彩泡泡打卡位必影!|台灣旅遊|放假去邊
【台灣】限定92日!新北全新打造超温馨角落生物主題地景裝置|台灣旅遊|放假去邊

  • 香港吃喝玩樂優惠
▲ 返回最上
© Copyright 2018 Global Alliance Networks Limited. All Rights Reserved