【香港】港版「馬爾代夫」西貢白腊!生態浮潛+自由水上活動+彩色小屋|香港玩樂|放假去邊
5784 瀏覽 
廣告



share by whatsapp share by line

暑假梗係要同陽光玩遊戲!今次就帶大家去到有港版「馬爾代夫」之稱嘅西貢白腊。白腊灣遠離塵囂,人煙稀少,啱晒一眾潛水人士、水上活動愛好者,想知有啲咩玩?即刻睇參加詳情喇!

行程登船前出發於西貢火山探知館集合,屆時大家認住身穿藍色T-Shirt、Logo印有Young’s HOLIDAYS 悠揚假期嘅衣著。

廣告

今次行程由Young’s Holidays x 潛水歷險會旅遊合辦,行程將會前往白腊灣並進行浮潛體驗及生態講解活動,各位參與一日團嘅旅客亦可選擇自費參加獨木舟、水肺潛水、衝浪板等水上活動( 自費活動需提前最少7日前預約)。

由西貢碼頭出發到達白腊灣,船程大於需要45分鐘左右,小編喺度提醒各位請自備暈浪丸(必須上船前1小時服用,可避免暈船),同埋記住參加行程之前記住食啲嘢,確保有足夠體力應付多項水上活動。

到達西貢白腊灣附近,由於沙灘附近水位較淺,有機會需要接駁快艇到達岸邊碼頭,大家落船時記住帶齊所有個人物品,直至到行程結束先會離開白腊灣㗎。

知道大家都想喺碼頭影相打卡,一定要注意安全啊,因碼頭四周並未設有安全措施,而且腳下只係木板砌成,千奇唔好大力跳躍,以免損毀木橋。

哇~呢度就係西貢白腊「港版馬爾代夫」喇!水清沙幼、人煙稀少,最啱就係玩浮潛,好想即刻浸落水啊!

落船後,教練率先為團友講解香港海洋生態,今次真係長知識~教練為各位團友講解海洋大自然、六角柱石等等,仲可以觸摸珊瑚礁石,的確係一個非常特別嘅體驗,教練仲話貝殼生長於珊瑚石上係比較少見嘅。

教練手上拎住嘅係海草,海草床係至關重要嘅海底生物覓食同繁衍地。(海洋生態講解所用嘅海草、珊瑚礁石等係已經沖咗上岸邊,已死亡嘅動植物作為範例,大家切勿帶走任何海洋生物呀~)

早前我地已經喺夏日暢玩綠蛋島浮潛內文及影片中介紹咗浮潛基本知識,包括浮力控制、呼吸技巧練習。

夏日暢玩綠蛋島浮潛

-影片重溫:https://fb.watch/6-CymcSfoE/
-內文重溫:https://opentour.com.hk/?p=102232

今次資深潛水教練Berry會為大家介紹3個潛水小貼士,等大家玩得安心又放心~

第一:檢查潛水面鏡索帶鬆緊度是否合適,切勿過緊,否則面部微絲血管有可能抵受不住壓力而爆裂。

第二:將呼吸管(Snorkel)含在嘴裡,牙齒剛好咬住,切勿過於大力咬實導致矽膠損毀。

第三:淺水區多次練習呼吸管(Snorkel)使用技巧,正常俾水從呼吸管中噴出即代表正確使用。

如果浮潛都滿足唔到你,咁你可以參加體驗水肺潛水活動(最少2位起)。而水肺潛水體驗呢部分今次將由Jennie潛水教練指導。

潛水壓力錶,可以俾各位參加者隨時注意剩餘空氣用量。

Jennie教練會先喺淺水區教導如何穿著裝備,再慢慢潛入深水區域,由潛入深。

魔鬼魚啊~仲有好多珊瑚、魚仔等海洋生物,仲可以超近距離觀察,大家體驗水肺潛水時候可以細心留意,不過要記住切勿隨意觸摸或帶走任何海洋生物,隨時會傷害到佢地或自身。

而另外一個自費項目就係獨木舟喇~大家可以揀番雙人或者單人獨木舟,而如果你都係獨木舟新手,咁就建議你提早預約埋獨木舟教練指導,咁就玩得安心啦!

同埋呢度啲獨木舟顏色都好靚啊,影相打卡一流!

另外,如果你自費參加獨木舟,一定要仔細睇教練動作同謹記所有注意事項。

教練話獨木舟槳記住要鋸齒向下,拎啱槳嘅方向(槳有分左右)~仲有盡量將船頭打直對住啲浪,咁先冇咁易反艇~

由西貢白腊灣撐獨木舟去到木棉洞約需時約45分鐘,途經會見到破邊洲、萬柱海岸世界級奇觀。

不過大家影相時要注意安全,有經驗教練表示:欠缺獨木舟經驗人士切勿進入洞口,因具有一定危險性,同時亦不建議徒步穿過,各位團友需量力而為。

亦都有機會與其他獨木舟相撞,大家需注意獨木舟之間保持距離,咁先玩得安全。

上岸之後,最後一站就嚟到打卡聖地「七彩童話小屋」喇!

有綠色、淺黃色、藍色、紅色同橙色屋仔,好似去咗歐洲咁呀~

溫馨提示大家記得自己垃圾自己帶走,切勿為打卡影相破壞環境呀。

大家留意番白腊灣沙灘上只得一間士多補給,不過大家參加一日行程就唔洗擔心,行程會包埋農村風味自助式午餐,餸菜非常豐富,小編去嘅當日有咕嚕魚、燒豬手、白切雞、牛腩、同蔬菜,仲有熱湯、白飯供應(菜式隨時有更改)。

 

1.白腊生態浮潛一天遊 (浮潛+自由水上活動)
27/7-30/9 逢星期二、五出發
大型船接載到白腊灣
24位起成團
PADI教練小組形式指導浮潛
可自費租借獨木舟/SUP/參與多項精彩活動
價錢:原價$680 , 六人同行每人減$30

2.白腊生態導賞之旅兩日一夜大自然體驗遊
27/7-30/9 逢星期五、六、日出發
自由時間出發
自組8人小組
註場PADI教練指導浮潛
生態導賞遊
可自費租借獨木舟/SUP/參與多項精彩活動
西貢白腊灣擁有「香港版馬爾代夫」的美譽,
擁有多樣化的生態環境!
價錢:原價$980

自費水上活動:獨木舟單人$200 |雙人$400 (獨木舟教練指導需另收費)
另設多項水上活動(詳情可向Young’s HOLIDAYS查詢)

注:

曾經參與綠蛋島浮潛的客人報名獨享優惠價
行程範例-歡迎與Young’s HOLIDAYS聯絡,獲取更多資訊!

立即報名:
-網址:https://bit.ly/3vTmV3v
-WhatsApp:https://wa.me/85265122628

share by whatsapp share by line
廣告



【英國】2021倫敦7大聖誕燈飾打卡熱點!漫天星海+天使造型超璀璨|英國旅遊|放假去邊
【香港】動植物公園悠閒半日遊,睇可愛水獺+塊面紅卜卜嘅黑冕鶴+美人樹|香港玩樂|放假去邊
【香港】赤柱新開海濱意大利Cafe!全新人氣打卡熱點!|香港美食|放假去邊
【香港】港版「馬爾代夫」西貢白腊!生態浮潛+自由水上活動+彩色小屋|香港玩樂|放假去邊
【快閃優惠】美麗華住宿精選優惠!$人均710包三餐+免費玩VR遊戲!|香港玩樂|放假去邊
【港島太平洋酒店】度假餐飲住宿優惠!$616起入住尊尚客房連雙人自助午餐|香港旅遊|放假去邊

  • 香港吃喝玩樂優惠
▲ 返回最上
© Copyright 2018 Global Alliance Networks Limited. All Rights Reserved