PMQ 元創方【拎起支筆，畫出香港】免費玩盡12個繪畫工作坊｜親子好去處｜香港玩樂｜開團

「畫出香港」希望大家重拾細細個嘅勇氣，拎起支筆，大膽用唔同嘅顏色大膽畫，重新感受畫畫帶嚟嘅純粹快樂！

繪畫其實是每個人都會的事！繪畫的世界沒有年齡和能力的限制，沒有對與錯的判斷，只有天馬行空的創作力和獨特性。由香港青年藝術協會主辦的社區藝術計劃「畫出香港」，旨在鼓勵大家重拾畫筆，隨心創作。

「畫出香港」活動日將於3月10日在PMQ元創方舉行，公眾人士可欣賞本地學生和藝術家的作品，亦可免費參與12個工作坊。

同場仲可以欣賞插畫家飛天豬Flyingpig創作嘅大型裝置添，話你知吖，作品有魔法會郁㗎！

本地藝術家Marka麥嘉欣會同你一齊喺中環街頭畫粉筆畫，將五彩繽紛嘅顏色帶入社區，分享畫畫帶嚟嘅喜悅！

你知唔知道，平時沖完涼之後畀水蒸氣籠罩嘅玻璃鏡上嘅笑哈哈、課本上嘅塗鴉鬼臉、會議備忘錄上重覆嘅打圈圈，都係隨心又獨一無二嘅畫作？

我哋一齊重拾小時候嘅勇氣，嚟到PMQ元創方拎起支筆，大膽用色大膽畫，釋放你潛藏嘅繪畫天賦，喺過程中舒壓一下！

當中4個工作坊「細菌培育插畫室」、「藥草寫生」、「城市速寫」同埋「舞態速寫」，喺香港醫學博物館以及中上環街頭舉行，需要預先網上報名。由於報名情況十分踴躍，所以網上報名嘅工作坊名額已滿。

如果大家真係想加入候補名單，亦可以提交你嘅姓名、想參與嘅工作坊名稱、時段 (只限填寫一節) 同埋參與人數 (最多兩名)，傳送電郵至 [email protected]

主辦單位將會喺3月6日或之前以電郵通知申請結果，但如果冇收到通知就代表申請唔成功。

真係報唔到上述工作坊唔緊要，仲有其餘8個關於畫畫嘅工作坊有「禪繞世界」、「街頭粉筆畫」、「紥染工藝室」等等，都可以即場參與，無需預先報名。

大會仲會為大家準備畫具添，記住帶埋屋企人同朋友一齊嚟拎起支筆，畫出香港！

「Draw HK 畫出香港」活動日

日期： 10/03/2019 (星期日)
時間： 10:00am-5:00pm
地點： PMQ 元創方，香港醫學博物館及上環荷李活道、樓梯街一帶
費用： 費用全免，部分工作坊需網上登記預約
查詢： [email protected]
取消預訂或更改持票人姓名： [email protected]
適合： 十歲或以上人士參與

資料來源： Draw HK 畫出香港Facebook專頁