日本神社真係咩主題都有! 今次同大家介紹嘅係...京都嘅兔兔神社 (うさぎ神社) !! <3 其實真名係岡崎神社, 因為神社以供奉兔仔而聞名, 所以好多人都叫佢做兔兔神社! 一入神社就俾兔仔包圍~ 兔仔係崗崎神社嘅神使, 而兔子是多產嘅動物，所以大家都會嚟求子安產~ 神社內有好多兔子塑像 手水舍中間就有隻黑兔 神社有個習俗, 洗完手之後, 將水淋喺黑兔身上, 再摸下佢個肚~ 就會帶嚟"好孕"~! 連燈籠都有兔仔嘅踪影! 祈完福, 當然要買返個吉祥物/御守啦~ 話明係兔兔神社, 賣嘅當然係兔仔御守! 好可愛嘅兔型御守呀!!...
