土瓜灣

屯馬線開通之後，大家入土瓜灣變相都好方便，而今次小編推介呢間冰室喺土瓜灣屹立過半世紀嘅冰室，由上世紀經營至今，一檯、一凳連地磚、墻紙同埋黑色掛牆大風扇都依然保留，傳統老香港嘅味道~ 鮮牛肉公仔麵。 菠蘿油，食落外皮鬆脆，配埋超邪惡嘅牛油~好邪惡啊！ Menu上都唔係特別多選擇，基本上嚟嘅客人多數都係街坊，如果大家係跨區嚟試嘅話，都係食佢嘅情懷。 永香冰室 地址：土瓜灣炮仗街29號地下 營業時間：08:00-20:00 電話：272 1452...

冬天打邊爐就最正，平時大家去食放題燒烤打邊爐，大多數都係用電池爐！今次小編介紹俾大家嘅呢個炭爐火鍋專門店，除咗打邊爐之外，仲可以燒烤！ 全香港嘅炭爐邊爐店已經碩果僅存，為數只得番兩間，今次介紹呢間位於土瓜灣！而另外一間就喺深水埗。 連電影《無間道2》都嚟過呢度取景啊~即刻睇有咩食先！ 花竹蝦。 食物非常新鮮，仲有連殼嘅生蠔可以燒~ 足料豬骨湯底配上手切肥牛。 嚟梗土瓜灣就嚟舊區重建，大家如果想試就記住把握時間去試喇！   鴻福海鮮四季火鍋 地址：土瓜灣落山道86號地下巷內 電話：2365 0112...

土瓜灣的一間特色咖啡店！店內擺放多款餐具、懷舊單車、紅郵筒等等，小店主要提供多款輕食和咖啡，多款日式美食同擺設都非常精緻！ 自家製燒汁手打和牛漢堡，塊和牛漢堡厚肉多汁又有牛味，燒汁鹹度適中。 高湯慢煮A4石桓和牛蓋碗定食，和牛用清高湯煮，個湯底唔會淡而無味，和牛份量都幾多。 超靚嘅星球拉花latte，嚟道星球咖啡店，梗係要嗌番杯喇！ 玫瑰latte賣相都有幾瓣玫瑰花喺上面，飲落陣陣玫瑰花香~ 自家製嘅梨酒雪糕，好香嘅梨酒香，面層有數條薄荷葉絲，食落非常清新。 大家細心一睇，上面個玻璃櫃有超多款珍藏嘅餐具。...

今時今日，上網好易就搵到附近好食嘅餐廳～ 但講到充滿地道特色嘅，又點可以少得港式西餐廳嘅鐵板鋸扒餐！ 土瓜灣就有一間好值得介紹！ 熱辣辣嘅鐵板！一放上檯已經聽到吱吱聲～ 前菜、餐湯、甜品，餐飲都齊哂！ 不過重點都係鐵板牛！ 煎得又香又脆，勁厚肉！ ...

眾所周知，九龍城有好多好嘢食～ 但原來連旁邊嘅土瓜灣都開咗唔少特色食店， 主打丼飯嘅日式小店就其中一間！ 呢間小店嘅食材全部都係嚟自由日本直送，呢款夢の丼更加係客人必食添！ 而且仲會因應食物嘅特性而作出相應嘅醃製同調味，令到食物嘅鮮味更突出！ 配金箔蠔、昆布帶子、三文魚籽、拖羅蓉、炙燒三文魚蓉、牡丹蝦，好吸引啊！ 唔止啊！連飯粒都好講究！...