芒果係夏天必食嘅水果之一~味道酸酸甜甜,最啱拎嚟整甜品! 今次就為大家搵嚟五款夏日必食嘅芒果經典甜品,一齊睇吓係點整喇! 多芒小丸子 材料:芒果2個、牛奶300毫升、煉奶2湯匙、芒果雪糕2球、糯米粉170克、凍水130毫升 糯米粉慢慢加入凍水,搓成團狀 取出50克粉團壓成片狀,放入滾水煮至浮上水面,再撈起放返入原先嘅粉團入面搓勻 取適量粉團搓成長條狀,切割成適當大小後搓圓 再以滾水煮至浮起,撈起以凍水沖洗降溫後瀝乾水分 芒果削皮,切成適當塊狀大小 將一半芒果肉加上牛奶、煉奶及雪糕後攪勻 最後加上芒果塊及小丸子就完成 芒果糯米糍...