灣仔又有新嘢食喇~全新手工中菜餐廳船記主打經典巧手菜式、鑊氣小炒、明爐燒味、自製點心、精品湯羹等~ 船記主廚係資深行政總廚呂江紅師傅，於香港及中國多間知名中菜餐廳工作，出品有質素保證！ 首推辣子龍蝦丁 辣子龍蝦丁選用南澳龍蝦，靈感取自辣子雞丁。龍蝦炸到金黃色連同京蔥、薑蒜、指天椒、乾辣椒、腰果等快炒，令龍蝦鮮中帶辣好惹味~ 鮑汁遼參伴柚皮 經典菜柚皮工序繁複，師傅話柚子皮需泡水1天，期間多次換水去除苦澀，用老雞、豬骨、豬皮、澳洲青鮑、大地魚、雞腳、金華火腿、鯪魚等煮成鮑魚芡汁，遼參連同柚皮炆煮，令柚皮軟綿且遼參爽滑。 胡椒鮮肚包雞...
