講起日清食品，相信大家都會諗起合味道杯麵 最近日清食品宣布，日本旗艦旅遊景點「合味道紀念館」即將登陸香港，各位杯麵迷有福啦！ 「合味道紀念館香港」會為大家帶來全新體驗，清仔更會化身紀念館嘅首席創意總監，與團隊齊齊向大家導覽館內創新元素 有別於日本大阪池田同埋橫濱嘅「合味道紀念館」， 香港紀念館佔地近10,000平方呎，並以「安藤百福創造力之旅」為主題，特設三大全新必到打卡位同埋三大體驗式工作坊 當中重點推介全球獨家限定兼全新登場嘅「榖物麥片工作坊」 參加者可從中了解此新產品誕生嘅緣由同埋製作過程...
