最近日本海洋堂旗下扭蛋品牌——膠囊 Q 博物館, 宣布即將推出「動物的廁所時光」玩具第二彈! 相信今次同第一彈一樣咁受歡迎! 由日本插畫大師佐藤邦雄所設計嘅扭蛋玩具, 將樹熊、大猩猩、鸚鵡、乳牛以擬人法嘅方式, 模擬佢哋喺廁所嘅時光,唔知佢哋去廁所會係點呢? 首先出場係一身鮮豔羽毛嘅小鸚鵡, 閉著雙眼嘅樣子都顯得好優雅~ 但佢似乎未有便意...... 輪到身型健碩嘅大猩猩, 見到佢嘴角向上就知道佢腸道好健康啦! 之後到乳牛出場~ 左望望,右望望,神情害羞~ 睇嚟佢係擔心被其他動物發現自己「辦大事」中~哈! 最後一位係樹熊!...