天氣愈嚟愈涼，代表著秋季來臨，係時候要準備下新衫著啦~ 近年秋冬穿搭好興戴畫家帽，文青得嚟又有啲點綴~ 但其實畫家帽嘅款式來來去去都係純色/格仔，好少有變化， 最近喺韓國推出嘅「太陽蛋」造型畫家帽就掀起熱話~ 米白色嘅底色，配以立體嘅蛋黃喺帽頂，真係好似頂住咗粒太陽蛋喺頭到XD 將佢平放喺枱面都毫無違和感，好似真係食得嘅太陽蛋咁~ 畫家帽造工細緻，有埋蛋黃反光嘅細節位！ 羊毛質料嘅畫家帽又靚又保暖，係必入手嘅秋冬商品！ 小編最近都想行下文青路線，睇嚟要買返頂嚟襯下衫啦！ 有興趣嘅朋友可以上佢嘅官網睇下~...
