相信鍾意食台灣嘢嘅你都聽過阿元來了，但今次要介紹嘅係佢嘅分店，「阿元菜市場」，呢間餐廳位於西環堅尼地城，餐廳裝潢以懷舊台灣風為主題，今次推出全新「芋圓火鍋」，夏天食番啲凍冰冰嘅嘢就最正，大家記住要三點後先去食。 火鍋用上金色銅爐，有五款配料，包括三色芋圓、仙草、豆腐花、蜜紅豆、黑糖珍珠，底部更有刨冰，真係超滿足！ 餐廳都非常貼心咁諗埋五款醬汁，真係好似打邊爐咁有醬汁點埋，有花生糖粉、Oreo碎、蜂蜜等等。 全個火鍋湯底係用左黑糖牛奶，後續加入其他材料一樣咁好食。另設豆漿湯底。...