位於旺角東附近新開嘅咖啡店，店舖呈黑白簡約設計~呢間小店最出名嘅係招牌蒜蓉忌廉芝士包，呢個係韓國近期大熱嘅麵包宜家香港都有得試喇！大量鮮綠嘅香蔥蒜蓉配埋極邪惡嘅忌廉芝士，食落鹹香十足~ 如果可以再多啲忌廉芝士就好了，以為始終麵包都比較干身。 貝殼窩夫都係唔可以錯過嘅甜品，一個個窩夫形狀好可愛~ 個窩夫要配住個香蕉雪糕一齊食，香蕉燒到一層焦糖脆，好有心思~ 卡邦尼粗管意粉，坊間比較少選用粗管意粉製作，但粗管意粉口感更好，以意粉管內掛滿意粉醬汁，餐廳係用蛋汁製作，並無添加任何忌廉製作醬汁，食落都唔會好膩。 記得試埋呢個Bacon...
