觀塘商廈林立，附近美食亦特別多，呢頭上班嘅打工一族同埋學生哥真係超幸福，揀到眼花繚亂！今次小編就推介位於駱駝漆大廈內以「雞」為賣點嘅主題餐廳，包括招牌海南雞飯、蔥油二撇雞飯、口水雞，仲有養生系列黃酒藥膳雞、花膠雞濃湯同埋胡椒豬肚雞，仲有必試小食「好撚脆」（蝦餅）、「失傳已久的豬扒」，見到餐牌上個名咁特別，即刻想試！ 胡椒豬肚雞米線，門口大大塊水牌寫住無味精湯底，養顏健康啱曬附近嘅辦公室姐姐。 黃酒藥膳雞米線，超級養生，足料蟲草花、木耳、杞子全部都有。 招牌海南雞飯，非常嫩滑。 「好撚脆」（蝦餅），炸得好酥脆，蝦肉非常彈牙。...
