香港行山

今次介紹呢個行山路線比較輕鬆，新手都無問題~ 呢個古洞水塘心形湖幾得意，可以同伴侶一齊打卡~ 落車行大概一個鐘就到達~輕輕鬆鬆~行到就原路折返~如果想繼續行可以行去麒麟山。 行去麒麟山大概需時2-3小時~但係路程就比較難行，有多碎石，要比較小心。 古洞水塘心形湖 前往方法：上水站彩園路搭九巴76K於古洞街市落車 建議路線：古洞街市-古洞南路-古洞水塘（原路折返）...

平時去昂坪搭纜車幾分鐘就到，唔知大家有冇試過行上去呢？ 昂坪棧道行山路線係屬於中上難度，唔太適宜新手去。因為全程需要較多體力，完成時間需要四小時以上。 沿途風景好靚，企喺棧道，被樹林包圍嘅感覺好似置身於古裝情境～行過有種大俠feel~ 仲可以喺纜車下影相～ 全程梯級比較多，部分路段係木板搭建～ 前往方法：乘搭新大嶼山巴士38號於東涌逸東邨落車 路線：逸東邨 - 東涌侯王古廟 - 昂坪棧道 - 昂坪市集 回程可選擇於昂坪市集搭巴士 注意事項： 1.部分木板不太穩固，需小心扶著扶手上落。 2.全程不設補給站和廁所。...

1.鶴咀：輕鬆行到天涯海角，童話風小徑+海邊蟹洞+唯美燈塔 前往方法：筲箕灣巴士總站乘搭9號巴士到鶴咀道落車 https://opentour.com.hk/?p=108043 2.水浪窩：無敵大草原輕鬆郊遊路線，放慢腳步欣賞沿途美景 建議路線：水浪窩-榕樹澳-深涌-深涌碼頭坐船回程 如何到達水浪窩： -西貢市中心乘搭299號巴士 -沙田市中心乘搭299x巴士 -烏溪沙港鐵站乘搭99號巴士 https://opentour.com.hk/?p=107962...

萬柱海岸的山頂有個疊石陣，畫面非常壯闊。 打卡一流！ 疊石寓意祈福或避凶，相信都係到達山頂嘅山友疊成。祈求平安順利。 望住海景疊石都幾浪漫~ 新年去行個大運，疊石祈福，祈求來年平安。 路線大概三小時。 建議路線：萬宜水庫東壩-花山-萬柱海岸-撿豬灣-萬宜水庫東壩 前往方法：9A專線小巴來往北潭涌至東壩 -服務時間為逢星期日或公眾假期：1500-1800（每20-25分鐘一班)...

今次介紹呢個郊遊路線，由西貢出發！ 目的地係曝罟灣，曝罟灣位於西貢萬宜水庫，係一個小海灣，其中半月形海上堤圍景色優美，值得一去！ 海上堤圍路段比較狹窄，兩邊都係海水包圍，行上去好似練緊輕功水上漂嘅感覺。 不過我哋都無輕功，行嘅時候切記注意安全呀！ 另外海上堤圍路段有幾個缺口，行過會有啲驚險，必須留神注意。 風景同水質都好靚，放假嚟放鬆下都幾好~  注意事項： 1.影相注意安全 2.海上堤圍石路狹窄，行走要注意安全 3.自己垃圾自己帶走，切勿污染環境 4.路線屬於中上難度，某些路段比較難行，記得要量力而為 曝罟灣...

今次介紹呢個行山路線，可以影到夢幻漂浮小島，打卡一流！ 呢個路線有樹蔭，唔會太曬，落山仲會見到無敵海景。 打卡猶如宮崎駿動畫般場景 呢個係人氣打卡位（打卡需注意安全，留意梯級） 唔同季節/調色，畫面都有唔同感覺 景色遼闊，望落心曠神怡~ 要留意下坡石路有啲崎嶇不平，需留神注意梯級。 落山仲可以搭車去赤柱chill下~ 注意事項： 1.影相需注意安全，留意梯級 2.自己垃圾自己帶走，切勿污染環境。 3.需量力而行及準備適量食物/飲品 建議路線：黃泥涌水塘 – 赤柱...

香港都有個千島湖，原來喺屯門行去都係3個鐘到，路線平坦，行山新手都行到~~ 沿途風景都好靚，可以打卡影靚相（不過提醒返打卡注意安全，安全最緊要） 望到都覺得心曠神怡 溫馨提示： 1.影相注意安全。 2.自己垃圾自己帶走。 3.中途無補給站，需提早買定所需食物及物資。 建議路線1： 港鐵「屯門站」乘 43號小巴 於掃管笏站（總站）下車 管笏村-麥理浩徑第10段-大欖涌水塘-掃管笏村 建議路線2： 西鐵朗屏站乘搭港鐵接駁巴士K66，於大棠山路下車 元朗大棠>燒烤場>麥理浩徑第10段>大欖涌水塘 時間：約3小時...

今次介紹呢個行山路線可以睇到壯觀瀑布~ 路線都較為輕鬆，平路居多~大約個幾鐘就可以行完全程。 瀑布真係好壯觀~ 喺瀑布隔離影相記得注意安全，石面會濕滑。 小夏威夷徑 建議路線：井欄樹-澳頭村-小夏威夷徑-小夏威夷瀑布-寶琳地鐵站 去程交通：在鑽石山乘91/91m 巴士到井欄樹站， 回程交通：將軍澳上村步行5分鐘岀寶琳北路，乘巴士或小巴接駁各區。 注意事項： 1.行到瀑布邊切忌要注意安全！留心睇路，影相打卡要小心！ 2.落雨後瀑布周圍石頭會比較濕滑，行到附近一定要小心。 3.自己垃圾自己帶走，唔好污染環境。...

又到一年一度賞芒季節！講到賞芒，大東山大家耳熟能詳啦~ 一於約返行山友，一齊去感受秋日氣氛，親親大自然再打卡~ 攝影小Tips： 1.加大光圈，影出淺景深，顯得唯美。 2. 低炒近影芒草堆，對焦到被攝人物，芒草蒙蒙地，更有氛圍感。 3.盡量著白色/淺色衣物，影相效果會更好。 大家一齊參考下以下圖片影靚相啦~ 大東山都係欣賞日落好去處 大東山 建議路線：伯公坳沿鳳凰徑上山（攀升529米） 伯公坳-大東山-爛頭營-雙東坳-南山 需時：大約3小時 去伯公坳巴士： 3M巴士：東涌-梅窩（落車站：伯公坳）...