一年一度嘅「新界魚塘節嘉年華」又嚟啦! 今次第六屆以「食出人情味」為主題。 希望大家透過品嚐本地淡水魚同漁民交流，感受漁民傳統嘅鄉土人情味! 亦想藉住呢次盛事表揚新界西北魚塘嘅幾代漁民，除咗艱辛養殖本地優質淡水魚，更為候鳥及各種生物提供重要嘅棲息生境! 今年以「食」為主題，當然唔少得試食元朗烏頭、鮮味魚粥及地道小食! 當日更有傳統小食「清明仔」製作班及烹飪工作坊! 製作「醬油豆渣大阪燒」 另外仲有拋網、餵魚等漁民體驗活動、觀鳥導賞、手織魚網袋、葉笛工作坊等各種精彩活動等住你! 活動由即日起接受報名!...
