一年一度嘅「鹽田梓藝術節2021」開始喇，知道大家假期都係鐘意去郊外，小編就推介大家可以去擁有香西貢後花園之稱嘅「鹽田梓」探索下，呢度有多款藝術品俾大家參觀，例如大型玻璃屋、竹藝作品、藝術屋，早前因限聚令關係一度關閉，宜家終於可以開放參觀，仲有幾個時段可以選擇，即刻睇有咩玩！ 碼頭附近嘅風鈴作品，《歸家》歡迎每一位訪客來臨參觀鹽田梓。 鹽田梓玻璃屋，《鹽光之所》展示鹽結晶嘅藝術形態，探討鹽嘅各樣可能性。 行入小小，大家可以見到呢個作品，由藝術家許嘉雄結合竹以精煉嘅竹藝及紮作技巧創造出。...