「燒雞翼～我自細鐘意食！」講到大家最愛嘅食物，雞翼一定榜上有名！ 一隻睇落平平無奇嘅雞翼，只要用上唔同醃料、唔同煮法，就可以變化出唔同味道！ 今次就教大家炮製以下五款雞翼，一齊試吓整喇～ 韓式柚子雞翼 材料：雞翼8隻、柚子蜜2湯匙、生抽1湯匙、紹興酒1/2湯匙、生粉1/2湯匙、麻油1/4茶匙、鹽適量、胡椒粉適量 將雞翼洗乾淨抹乾 用生抽、紹興酒、鹽、胡椒粉、麻油及生粉醃30分鐘 用中火燒熱平底鑊，加少少油 加入雞翼，煎至兩面金黃色及熟透...