日本嘅動漫、公仔等等廣受歡迎,成日推出唔少週邊, 不過唔講唔知,原來日本郵局都會成日推出唔少公仔商品, 繼上年年尾推出大熱嘅龍貓商品後,今個夏季再次推出「夏季期間限定龍貓周邊」! 作為宮崎駿經曲作之一,龍貓一直十分受歡迎;上年推出嘅大、中、小龍貓產品好快被一掃而空,今個夏天再度推出夏季限定新款! 首先係「大龍貓透明手提袋」,透明嘅膠質設計啱哂帶去沙灘玩,好有夏日嘅感覺~ 而且會搭配送埋湖水綠顏色嘅索袋,可以將貴重物品或濕嘅衣物放入去,非常方便! 之後係「大龍貓索袋手提包」,除咗索袋嘅設計相當方便之外,最好嘅係仲係可以手提!...