首店開設喺西環嘅INFINITI C係全港首間 100%無麩質精品咖啡店,主打無麩質、生酮及純素蛋糕甜品,短短兩年分店開完一間又一間!今次新店座落喺中環,店面貫徹Baby Blue風格,店內則以花同Pastel顏色為主題,鍾意咖啡同生酮純素嘅朋友記得要mark實去打卡啦! 中環新店設計以鮮花同國際象棋為主題,牆壁滿佈粉色色調嘅壁畫。 新店特設限定菜式,超靚嘅無麩質四國血橙紅茶蛋糕,選用稀少既日本四國血橙,混合斯里蘭卡嘅鍚蘭紅茶。口感柔和又有果香!($72/件 原個蛋糕$910)...